Facebook නිර්මාතෘ මාර්ක් සකර්බර්ග්

මව්පියන් 

මාර්ක් සකර්බර්ග් උපත ලබන්නේ 1984 මැයි 14 වන දිනයේදීයි. ඔහුගේ පියා වන එඩ්වර්ඩ් සකර්බර්ග් දන්ත වෛද්‍යවරයෙකු වූ අතර, මව වන කැරන් සකර්බර්ග් මනෝ වෛද්‍යවරියකි.

මාර්ක් කුඩා විදීම පියාගේ පහසුව වෙනුවෙන් නිර්මාණය කල Zucknet
මාර්ක් සකර්බර්ග් තුල පරිඝනක ක්ෂේත්‍රය ගැන උනන්දුව ඇති වුනේ කුඩා අවධියේ ඉඳගෙනයි. ඔහු අවුරුදු 12 දී Zucknet නම් ජාලයක් සාදන ලදී. ඔහු එම ජාලය නිර්මාණය කලේ පියාට උපකාරයක් වශයෙනුයි. පියාව මුණ ගැසෙන්නට නව රෝගියෙක් පැමිණි විට පිළිගැනීමේ නිලධාරියා එය දැනුම් දිය යුතුව තිබුනේ කෑ ගසායි. මේ නව ජාලය නිසා ඒ බව ජාලය හරහා පහසුවෙන්ම දැනුම් දීමේ හැකියාව ලැබුණි. ඒ වගේම එමඟින් නිවසේ සාමාජිකයන්ට එකිනෙකා සමඟ අදහස් හුවමාරු කර ගැනීමේ හැකියාවත් ලැබිණි.

පරිඝනක ක්‍රීඩා නිර්මාණය

මාර්ක් සකර්බර්ග් කුඩා කාලයේදී සිටම පරිඝනක ක්‍රීඩා නිර්මාණය කරන්නට සමත් වී ඇත. ඔහුගේ මිතුරන්ට චිත්‍ර ඇඳීමේ මනා හැකියාවක් පැවතුනු අතර, ඔවුන් ඔවුන්ට අවශ්‍ය ක්‍රීඩාවේ ස්වභාවය චිත්‍රයට නඟා මාර්ක්ට ලබා දෙයි. ඉන් පසුව මාර්ක් විසින් පරිඝනක ක්‍රීඩා නිර්මාණය කර ඔවුන්ට ලබා දෙයි.

හැකියා වර්ධනය කර ගැනීමට දෙමව්පියන්ගෙන් ලැබුණු පිටුවහල
තම දරුවා තුල පරිඝනක ක්ෂේත්‍රය කෙරෙහි ඇති සුවිශේෂී ඇල්ම සහ දක්ෂතාවය හඳුනා ගන්නා මව්පිය යුවල මාර්ක්ට පරිඝනක ගුරුවරයෙකු නිවසට ගෙන්වා දෙනවා. ඔහු David Newman. ඔහු සතියකට වතාවක් මාර්ක්ගේ නිවසට පැමිණ මාර්ක් සමඟ වැඩ කර තිබෙනවා.

Synapse සංගීත මෘදුකාංගය

සංගීත මෘදුකාංගයක් වන Pandora මෘදුකාංගයේ මුල් පිටපත නිර්මාණය කරන්නට මාර්ක් සකර්බර්ග් සමත් වෙනවා. එකල එය නම් කරන ලද්දේ Synapse යනුවෙනුයි.

අධ්‍යාපනය නිම කිරීමටත් පෙර සිටම රැකියා අවස්ථා සඳහා ආරාධනාවන්
AOL සහ Microsoft යන ආයතන වලින් මාර්ක් අධ්‍යාපනය නිම කිරීමට පෙරම රැකියාවක් ලබා දීමට කැමැත්ත පළ කරනවා. නමුත් මාර්ක් එම අවස්තාවන් භාර ගන්නේ නැහැ.

Facemash මෘදුකාංගය

Facemash කියන්නේ ඔහු විසින් නිර්මාණය කල තවත් වැඩ සටහනක්. ඔහු මෙය නිර්මාණය කරන්නේ ඔහුගේ විශ්වවිද්‍යාලය තුළදීයි. එය සිසුන් දෙදෙනෙකු ජායාරූප සංසන්දනය කර, භාවිතා කරන්නන්ගේ ජන්දය ලබා දී, වඩාත් ආකර්ශනීය සිසුවා තේරීමේ ක්‍රීඩාවක් ලෙස ඉමහත් ජනප්‍රියතාවයට පත් වෙනවා. නමුත් විශ්වවිද්‍යාල පාලනාධිකාරිය විසින් එය නුසුදුසු ක්‍රියාවක් යැයි මත පළ කිරීම නිසා මාර්ක් විසින් එය වසා දමනවා.

Facebook 

මුලදී මාර්ක් සහ ඔහුගේ මිතුරන්ට අවශ්‍ය වන්නේ Dating Site එකක් නිර්මාණය කිරීමටයි. පසුව එය නවත්වා Facebook වෙබ් අඩවිය නිර්මාණය කරනවා. 2004 ජුනි මස ඔහුගේ මිතුරන් වන Dustin Moskovitz, Chris Hughes සහ Eduardo Saverin Facebook වෙබ් අඩවියේ ගිණුම් සාදා ගන්නවා. ඔහුගේ පූර්ණ කැප වීම සාර්ථක වෙමින් 2004 වසර අවසාන වන විට Facebook වෙබ් අඩවිය භාවිතා කරන්නන්ගේ ප්‍රමාණය මිලියන 1 දක්වා ඉහල යනවා.