පරිපාලන සේවා විභාගය පිලිබද තොරතුරු

පරිපාලන සේවය..

පරිපාලන සේවා විභාගය පිලිබදව නවක උපාධිදාරීන්ට මෙන්ම රාජ්‍ය සේවයේ ඉන්න අයට අවබෝධයක් නැහැ.. මෙන්න ඒ පිලිබදව කරුණු ටිකක්..
ඉස්සර තිබ්බේ සිවිල් සේවය කියලා.. දිසාපති / උප දිසාපති වගේ තනතුරු.. නමුත් වර්ථමානයේදී මෙය හදුන්වන්නේ ශ්‍රී ලංකා පරිපාලන සේවය කියලයි.. SLAS

එකතු කිරීමක් ..

ශ්‍රී ලංකා පරිපාලන සේවය
ශ්‍රී ලංකා පරිපාලන සේවයට අදාළව අමාත්‍ය මණ්ඩලය හා රාජ්‍ය සේවා කොමිෂන් සභාව මඟින් පනවනු ලබන සියලුම ප්‍රතිපත්ති ලේකම්තුමාගේ අනුමැතිය ඇතිව ශ්‍රී ලංකා පරිපාලන සේවා ශාඛාව මඟින් ක්‍රියාත්මක කරනු ලබයි.

ශ්‍රී ලංකා පරිපාලන සේවයේ ඉතිහාසය
1796 වර්ෂයේදී ශ්‍රී ලංකාවේ මුහුදු බඩ පළාත් බ්‍රිතාන්‍යයන්ට යටත් වීමෙන් පසු එම ප්‍රදේශවල පරිපාලන කටයුතු මදුරාසියේ සිට ක්‍රියාත්මක වූ පෙරදිග ඉන්දීය වෙළඳ සමාගමේ (East India Company) නිලධාරින් වෙතින් සිදුවිය. එහිදි ඇති වු ප්‍රායෝගික ගැටළු මත 1802 වර්ෂයේදී පරිපාලන කටයුතු සඳහා නිලධාරින් පිරිසක් බ්‍රිතාන්‍යයෙන් මෙරටට පත් කරන ලදී.

එය මෙරට සිවිල් සේවාවේ ආරම්භ වු අතර පසුව මෙම සේවාව බ්‍රිතාන්‍ය සිවිල් සේවය පදනම් කර ගනිමින් 1833 දී ලංකා සිවිල් සේවය (Ceylon Civil Service-CCS) වශයෙන් නම් කරනු ලැබීය. එය 1963 වසරේදී එවකට පැවති ප්‍රාදේශිය ආදායම් පාලන නිලධාරි සේවයද ඇතුළත් වෙමින් ලංකා පරිපාලන සේවය (Ceylon Administrative Service-CAS) ලෙස නම් කරනු ලැබීය. පසුව 1972 දී ශ්‍රී ලංකාව ජනරජයක් වීමෙන් පසු ශ්‍රී ලංකා පරිපාලන සේවය (Sri Lanka Administrative Service-SLAS) ලෙස නම් කරනු ලැබ මෙරට ප්‍රමුඛතම සිවිල් සේවාව වශයෙන් ක්‍රියාත්මක වේ.

මෙම සේවාව පිලිබදව කරුණු හදාරන්න හොදම ලියවිල්ල තමයි සේවා ව්‍යවස්ථාව.. ලින්ක් එක පහල ඇති. රජයේ සමහර සේවාවන් සදහා විවෘත සහ සීමිත ලෙස බදවාගන්නා අතර තරග විභාගයක් සමත් වී සම්මුඛ පරීක්ෂණයට යා යුතුයි..

SLAS වලට ගන්නා විටත් විවෘත සහ සීමිත ලෙස පුරප්පාඩු පුරවයි.. විවෘත 75 % ක් සීමිත 20 % ක් සහ කුසලතා 5 % ක් ලෙස ගන්නේ..

සීමිත සහ කුසලතා විභාග රාජ්‍ය සේවයේ පලපුරුද්ද ඇති MN - 2 හෝ ඉහල වැටුප් පරිමාණ ඇති සතුටුදායක සේවා කාලය ඇති අයට වේ..
‍
බොහෝ පිරිසක් ඉල්ලුම් කරන විවෘත විභාගය ගැන මම කියන්නම්..
UGC අනුමත විශ්ව විද්‍යාලයක් හෝ උපාධි පිරිනැමීම සදහා අනුමැතිය හිමි ආයතනයකින් ලබාදෙන මූලික උපාධිය සුදුසුකම වේ.. දැන් අහන්න එපා.. බාහිර උපාධි , විශේෂ උපාධි , NIBS විදේශ උපාධි වලංගුද කියලා..

විෂයයන් 05 ට පෙනී සිටිය යුතුය .. පහල වගුව බලන්න... වයස අවු 28 වඩා අඩුවිය යුතු අතර වාර 02 ක් ලිවිය හැක.

සීමිත විභාගය ලියන්න නම් උපාධියක් සහිතව වසර 05 ක පලපුරුද්දක් තිබිය යුතු අතර කාර්යක්ෂමතා කඩඉම් පරීක්ෂණ සමත් වී සක්‍රීය හා සතුටුදායක සේවා කාලයක් තිබිය යුතුයි..

උපාධියක් නොමැති නම් වසර 10 ක සේවා කාලයක් තිබිය යුතු අතර MN -2 සහ ඊට ඉහල වැටුප් පරිමාණ ඇති අයට පමණක් පෙනී සිටිය හැක. PL - 1 , PL - 2 වැනි සුළු සේවක , කාර්යාල කාර්ය සහායක , රියදුරු වගේ අයට මෙන්ම , ගුරු සේවය , හෙද සේවය , අතුරු වෛද්‍ය සේවා , පොලීසිය , හමුදාව වගේ සේවාවන්ටත් සීමිත ලියන්න බැහැ. විෂයයන් පහත දක්වා ඇත. වාර 02 යි ලියන්න පුළුවන්.. වයස අවු 53 ට අඩු වෙන්න ඕන..

කුසලතා ධාරාව යනු රාජ්‍ය කළමනාකරන සහකාර සේවයේ අධි පන්තියේ (Supra) වසර 10 ක සේවා කාලයක් හෝ රාජ්‍ය කල. සහකාර සේවයේ පලමු පන්තියේ වසර 10 ක් සමග වසර 20 ක පලපුරුද්දක් පැවැතිය යුතු අතර වයස අවු 55 ට අඩු විය යුතුය.. විෂය නිර්දේශය පහත ඇත.

අවසාන කාර්යය තමයි මෙම කුමන විභාගය උවත් ඔබ කැපවීමෙන් , උනන්දුවෙන් වැඩ කලොත් පමණයි ජයක් ලැබෙන්නේ.. ඒ සදහා ස්වයං අධ්‍යයනය මෙන්ම විෂය නිර්දේශය පිලිබදව දැනුමක් ඇති පලපුරුදු ගුරුවරුන්ගේ මග පෙන්වීම අවශ්‍ය වේ..
‍මෙම විභාගය සදහා දේශපාලන බලපැමක් නොමැත.

ඔබට මෙය වැදගත් වූයේ නම් අදහසක් පලකරන්න.. ගැටළුවක් විමසන්න පුළුවන්.. ඒ වගෙම අනිත් අයගේ දැන ගැනීම සදහා share කරන්න. ඔබට ජය ..

ඕනෑම කරුණක් විමසන්න.. සුසන්ත කුමාර - 0775633818
‍
සේවා ව්‍යවස්ථාව - http://www.pubad.gov.lk/…/stories/slas/Servic…/pg1884(s).pdf
‍සේවා ව්‍යවස්ථාව සංශෝධනය 2018 http://www.pubad.gov.lk/…/…/slas/Service_Minite/2095-09s.pdf